Forráðafólk vinstri flokkanna tala um að tími sé kominn til að athuga hvort flokkarnir, Sósíalistar, Pírata og Vinstri græn, geti sameinast. Steingrímur J. talar ákveðið um þessar hugmyndir í samtali við mbl.is.
Í þættinum Synir Egils á Samstöðinni í gær, sagði Gunnar Smári að réttast sé að forsvarsfólk flokkanna tali saman. Úrslit kosninganna hafi verið með þeim hætti að fólk flokkanna verði að tala saman.
Sem fyrr segir var Steingrímur J. í Moggaviðtalil:
„Úrslitin eru högg og þyngra en búast mátti við. En eins og nú er komið er ekkert annað að gera í stöðunni en bretta upp ermar og halda áfram. Vissulega verður handleggur að vinna úr þessu,“ segir Steingrímur J. Sigfússon, fyrrverandi alþingismaður og formaður VG fyrstu 14 árin í sögu flokksins. „Ég hef enga trú á öðru en að starf VG haldi áfram. Áfram eru til staðar mikilvæg málefni sem voru kjarninn í stefnu flokksins og þeim þarf að berjast fyrir,“ segir Steingrímur.
Nú er að sjá hvað verður.
