Ráðhús / „Bókun Sjálfstæðisflokksins um kostnaðarauka byggir á misskilningi,“ bókuðu borgarráðsfulltrúar meirihlutans. Ástæðan var sú að borgarráðsfulltrúar Sjálfstæðisflokksins höfði bókað og sagt:
„Hér er verið að leggja til tvöföldun á útgjöldum Reykjavíkurborgar vegna samgöngusáttmála á árinu 2020. Rétt er að minna á að borgarfulltrúar Sjálfstæðisflokksins greiddu atkvæði gegn afgreiðslu hans einmitt vegna óvissu um fjármögnun og kostnað. Nú aðeins 7 mánuðum eftir samþykkt meirihlutans er verið að auka útgjöld borgarinnar á yfirstandandi ári án þess að nokkur vissa sé fyrir fjármögnun eða endanlegum kostnaði. Rétt væri að ljúka fjárfestingaráætlun, rekstraráætlun og fjármögnun þessara framkvæmda áður en lengra er haldið.“
Svar meirihlutans var svona: „Það er mikilvægt mál að flýta verkefnum samgöngusáttmálans: framkvæmdum við hjólreiðanet höfuðborgarsvæðisins, undirbúningi borgarlínu og öðrum verkefnum. Bókun Sjálfstæðisflokksins um kostnaðarauka byggir á misskilningi. Hér er verið að flytja fjárveitingar samkvæmt samgöngusáttmálanum sem áttu að falla til árið 2019 til ársins 2020 og bæta þeim ofan á fjárveitingar ársins. Heildarframlög borgarinnar til þessara brýnu verkefna eru því um milljarður á árinu. Vegagerðin og önnur sveitarfélög leggja einnig framlög til sáttmálans. Þar með ná verkefni samgöngusáttmálans fram að ganga af fullum krafti.“
-sme
