Annað Ísland, þáttur okkar bræðra á Útvarpi Sögu, á morgun fjallar annars vegar um villta vinstrið á árum áður og hins vegar um rauðsokkahreyfinguna. Í fyrri hlutanum ræði ég við Ragnar Stefánsson, Birnu Þórðar og Rúnar Sveinbjörnsson en í þeim síðari við Guðrúnu Hallgrímsdóttur, Guðrúnu Ágústsdóttur og Elísabetu Gunnarsdóttur. Við munum ferðast aftur í tímann og skoða samtímann frá sjónarhóli róttækra hreyfinga sem spruttu fram og störfuðu um og eftir 1970. Hér er síðan auglýsingafrítt podcast með síðasta þætti þar Styrmir Gunnarsson ræddi átök stjórnvalda og verkalýðshreyfingar á síðustu öld og Vilhjálmur Birgisson um komandi átök í vetur. Framhaldssaga þáttarins, framboð Heiðveigar Maríu Einarsdóttur til formanns Sjómannafélagsins, var á sínum stað. Þættirnir eru á fimmtudögum milli fjögur og sex.
- Advertisement -
