Rósa borgar 100 milljónir án heimilda
„You can't make this shit up!“ Þannig skrifar bæjarfulltrúi um það sem er að gerast á bæjarstjórnarfundi í Hafnarfirði.
Á yfirstandandi bæjarstjórnarfundi í Hafnarfirði kom fram að bæjarsjóður hefur nú þegar borgað eitt hundrað milljónir án þess að hafa haft til þess heimild.
Guðlaug Svala Steinunnar Kristjánsdóttir, bæjarfulltrúi Bjæjarlistans, upplýsir þetta.
„Sit á bæjarstjórnarfundi undir umræðu um viðauka við fjárhagsáætlun og fæ hér þær upplýsingar að þegar sé búið að greiða út úr bæjarsjóði 100 milljónir samkvæmt viðaukatillögunni sem ekki er enn samþykkt!
Illa fer þetta kjörtímabil af stað ef bæjarstjóri er farin að greiða úr bæjarsjóði án heimildar 100 milljónir án staðfestingar frá bæjarstjórn.
Og þetta er ekki neyðartilvik, ekki björgunaraðgerð fyrir bæjarbúa, heldur efniskaup til byggingar á íþróttahúsi sem verður ekki í eigu eða rekstri bæjarins.
You can’t make this shit up! Í Hafnarfirði er sko engin gúrku- eða ull-tíð í bæjarpólitíkinni.“
Sjálfstæðisflokkur og Framsóknarflokkur eru saman í meirihluta í Hafnarfirði.
