„Ríkisstjórnin stendur ekki fyrir neitt“

„Íslenska rík­is­stjórn­in hef­ur setið í hálft ár og þegar misst allt álit þótt hún hafi ekki gert neitt sem öll­um al­menn­ingi mis­lík­ar. Hún stend­ur ekki fyr­ir neitt.“ Þetta eru óbreytt orð Davíðs Oddssonar, fyrrum forsætisráðherra, formanns Sjalfstæðisflokksins og nú ritstjóra Morgunblaðisns, sem hann viðhefur í leiðara sínum í dag.

Hann segir þar ennfremur: „ Mál­efna­samning­ur henn­ar hróp­ar það fram­an í fólk. Þar er ekk­ert hand­fast nema helst lang­ur kafli sem virðist und­ir­strika að nauðsyn­legt sé að fjölga inn­flytj­end­um. Sú nauðsyn var ekki orðuð í kosn­ing­un­um.“

Morgunblaðið leitar viðbragða vegna skoðanakönnunnar MMR, þar sem einkum var fréttnæmt smánarleg staða litlu stjórnarfokkanna.

Of snemmt, segir forsætisráðherra

Bjarni Benediktsson lætur sem hann hafi ekki miklar áhyggjur af stöðunni, en flokkur hans, Sjálfstæðisflokkurinn bætir við sig fylgi: „Það er ekki gott að segja hvað skýr­ir þessa út­komu sam­starfs­flokka okk­ar og kannski óvar­legt þegar svona stutt er liðið á kjör­tíma­bilið að vera að draga of mikl­ar álykt­an­ir af könn­un­um. Auðvitað vildi ég sjá stjórn­ina og stjórn­ar­flokk­ana sækja í sig veðrið og ég tel að við séum það skammt á veg kom­in á þessu kjör­tíma­bili að það sé eng­in ástæða til þess að leggja of mikið upp úr ein­staka könn­un­um,“ sagði Bjarni Bene­dikts­son við Morgunblaðið.

Þorsteinn er jarðbundnari

Þorsteinn Víglundsson er jarðbundnari: „Auðvitað valda þess­ar niður­stöður von­brigðum, en það er auðvitað þannig að við erum að vinna að okk­ar stefnu­mál­um og verðum dæmd af þeim þegar upp er staðið.“

Formaður og varaformaður Viðreisnar hafa reynt á þolinmæði Sjálfstæðisflokksins og Morgunblaðsins með skrifum um upp­töku evru og jafnvel aðild Íslands að ESB. Morgunblaðið spyr Þorstein um áhrif þessa á fylgi Viðreisnar.

„Stór hluti at­vinnu­lífs­ins hef­ur áhyggj­ur af þess­um miklu geng­is­sveifl­um og háu vaxta­stigi hér á landi og við heyr­um mjög skýrt ákall um aðrar lausn­ir. Við höf­um talað fyr­ir ákveðinni leið, sem er myntráð, sem er fast­geng­is­stefna, en bygg­ist hins veg­ar á ís­lenskri krónu,“ sagði Þor­steinn.

Kemur ekki á óvart

Morgunblaðið talar einnig við tvo stjórnarandstæðinga, Loga Einarsson, formann Samfylkingarinnar, og Þórunni Egilsdóttur, þingflokksformann Framsóknar.

Logi sagði: „Það kem­ur í sjálfu sér ekk­ert á óvart að Flokk­ur fólks­ins mæl­ist stærri en Björt framtíð og Viðreisn, vegna þess að þau eru auðvitað að súpa seyðið af því að hafa gengið allt of langt á for­send­um Sjálf­stæðis­flokks­ins í stjórn­ar­sam­starf­inu og gengið á bak orða sinna frá því í kosn­inga­bar­átt­unni.“

„Ég held að þessi niðurstaða hljóti að verða Viðreisn og Bjartri framtíð mikið um­hugs­un­ar­efni, að vera í þess­ari stöðu sem rík­is­stjórn­ar­flokk­ar,“ sagði Þórunn.

(Hér er stuðst við leiðaraskrif og fréttaskrif Morgunblaðsins í dag).

-sme