„Áhersla Sjálfstæðisflokksins kann jafnvel að kosta stjórnarslit. Kannski er betra að þau verði fyrr en síðar.“
Kolbrún Bergþórsdóttir skrifar ljómandi grein í Mogga morgundagsins. Niðurlag greinarinnar er svona:
„Flestum er nú orðið ljóst að núverandi ríkisstjórn er þrotin að kröftum, hún er að mestu erindislaus en er þó enn með lífsmarki. Fyrir utan vel auglýsta ást sína á hvölum eiga Vinstri græn svo að segja ekkert stefnumál eftir annað en útlendingamálin, þar sem vissulega er talað máli mildi og mannúðar þótt raunsæið mætti hugsanlega vera meira. Sjálfstæðisflokkurinn boðar síðan stefnu sem hljómar ansi harkalega og er líkleg til að skapa átakalínur í samfélaginu. Ósagt skal látið hvort þessi stefna Sjálfstæðisflokksins sé líkleg til að veiða kjósendur.
Vel má vera að Vinstri græn harðneiti að sitja aðgerðalaus hjá meðan stóri flokkurinn leitast við að hamra í gegn stefnu sína í útlendingamálum. Áhersla Sjálfstæðisflokksins kann jafnvel að kosta stjórnarslit. Kannski er betra að þau verði fyrr en síðar.“
