Það er magnað að hér sé ríkisstjórn sem sendir eigin samninganefndir umboðslausar til kjaraviðræðna við starfsmenn ríkisstofnana. Takmarkið er að sigla öllu í strand til að byggja undir gerræðið. Til að geta friðað almenning þegar ríkisstjórnin grípur til fyrirfram áætlaðra ofbeldisverka. Hún setur lög á fullkomna löglega baráttu einstakra starfsmanna.
Flugvirkjar Landhelgisgæslunnar eru ekki fyrstir til að vera beittir ofbeldinu. Og þeir verða, því miður, ekki þeir síðustu.
Svo ósmekklegt sem það nú er þá hreykti forsætisráðherrann sér að því að hún hafi nú aldeilis áður stöðvað kjarabaráttu fólks með lagasetningu. Katrín nánast barði sér á brjóst þegar hún tilkynnti óspurð að hún hafi áður beitt ámóta ofbeldi. Þannig er þetta.
Óskammfeilnin og fantaskapurinn á greiða leið. Ríkisstjórn Íslands kýs að fara að þessa leið. Aumir stjórnarandstæðingar stökkva ýmist á vagninn eða sitja með hendur í skauti sér í stað að berjast til varnar fullkomlega löglegri kjarabaráttu launafólks.
-sme
