Gunnar Smári skrifar: Heimskulegt. Til hvers ætti almenningur að selja banka sem hann á? Væri ekki nær að láta bankann þjóna þörfum almennings fyrir peningaveitu í samfélaginu en að selja hann einhverjum erlendum banka, sem flestir hafa verið afhjúpaðir sem gróðastía glæpa og skattaundanskota. Almenningur á að verja sig fyrir þeim sem veigra sér ekki við að brjóta niður samfélögin í von um gróða en ekki færa því liði vopnin til að herja á almenning.
Hlægilegt að lesa það í íslenskri skýrslu tíu árum eftir bankahrun, þegar nýeinkavæddir bankar hrundu yfir land og lýð; að það auki stöðugleika og minnki áhættu að einkavæða banka. Er ekki hægt að gera þá kröfu á fólk sem semur svona skýrslur að það sé edrú og með óskerta dómgreind?
