Láta almenning greiða tapið þegar þeir fara á hausinn.
Katrín Baldursdóttir skrifar:
„Reyndar mættu Sjálfstæðismenn líta sér svolítið nær ef þeir hafa áhyggjur af sníkjudýrum í samfélaginu, jafnvel í hópi sýslumanna,“ skrifar Illugi Jökuls og bendir hér réttilega á hver eru aðalsníkjudýrin í samfélaginu. Það eru auðmenn og íhaldsmenn sem hafa orðið ríkir á því að liggja upp á almenningi. Hirða arðinn af auðlindum almennings, koma sér í feit embætti hjá ríkinu og greiðan aðgang að opinberum sjóðum, fá lánaða peninga almennings á súper góðum kjörum, láta almenning greiða tapið þegar þeir fara á hausinn, neita að borga sanngjarna skatta í sameiginlega sjóði og koma peningunum frekar fyrir í skattaskjólum.
Þetta eru sömu mennirnir sem vilja ekki hækka atvinnuleysisbætur vegna þess að þá vilji atvinnulausir ekki vinna. Þá sé hætta á að þeir verði sníkjudýr og leggist upp á samfélagið. Slíkir aumingjar eigi auðvitað ekki að eiga ofan í sig að éta, hvað þá þak yfir höfuðið.