…eða vasapeningum, sem á árinu 2019 er að hámarki 74.447 kr.
Báðir þingmenn Flokks fólksins hafa lagt fram tillögu til þingsályktunar um að Alþingi feli félagsmálaráðherra, Ásmundi Einari Daðasyni, að leggja fram lagafrumvarp sem stöðvi þann ömurleika að fólk á dvalar- eða hjúkrunarheimilum missi fjárræði og sjálfstæði.
Í greinargerð þeirra Ingu Sæland og Guðmundar Inga segir:
„Þegar einstaklingur flytur inn á dvalar- eða hjúkrunarheimili fellur réttur viðkomandi til ellilífeyris niður. Viðkomandi getur átt rétt á ráðstöfunarfé, eða vasapeningum, sem á árinu 2019 er að hámarki 74.447 kr.“
Eins segir þetta: „Með tillögu þessari er lagt til að ríkisstjórninni verði falið að leggja fram lagafrumvarp sem tryggir sjálfræði og fjárræði aldraðra einstaklinga þegar þeir fara inn á hjúkrunarheimili og að greiðsluþátttöku íbúa á dvalar- og hjúkrunarheimilum verði breytt þannig að íbúar haldi lífeyrisgreiðslum sínum og greiði milliliðalaust fyrir húsaleigu, mat og annan kostnað sem fylgir heimilishaldi. Almennar reglur um þá heilbrigðisþjónustu sem veitt er á heimilunum verði þó óbreyttar. Gert verði ráð fyrir að íbúar geti átt rétt á húsnæðisbótum og kostnaðarþátttaka einstaklinga á dvalar- eða hjúkrunarheimilum verði tekjutengd og falli niður hjá þeim sem hafi lágar tekjur.“
