Varar hann við flóknum og tímafrekum málaferlum vegna ákvarðana ráðherra.
Ragnar Önundarson skrifar:
Ef við heykjumst á þessu er kominn tími til að hefja „ ÍsExi-T“-ferilinn. Við eigum ekki að leyfa auðmönnum að kaupa náttúruperlur landsins upp til eigin nota. Við eru nú þegar komin með fullt tilefni til að kveðja Schengen, við ráðum ekki við aðstreymi hælisleitenda og munum fljótlega lenda í illviðráðanlegum vandræðum, eins og skandinavísku Norðurlöndin. Þau hafa her sem unnt er að kalla til liðs við lögregluna. Hluti þessa stjórnlausa undanhalds er eftirgjöfin í orkumálum. Ótal vindmyllugarðar eru í undirbúningi, þó við eigum næga óvirkjaða orku í jökulám. Ráðherra orkumála er tekin að gæla við sæstreng, sem þýðir að atvinna flyst úr landi og þar með stöðugleikinn sem fylgir stóriðju. Við verðum að draga ályktanir af þessu, það er engin langtímahugsun, engin staðfesta, bara krísustjórnun, Ísexin verður til umræðu.
James Ratcliffe segir frumvörp sem hafa áhrif á landareign sína á Austurlandi og samþjöppun veiðiréttinda vera brot á alþjóðlegum skuldbindingum Íslands. Varar hann við flóknum og tímafrekum málaferlum vegna ákvarðana ráðherra.
