„Það eru kosningar í haust ekki satt?“
Ragnheiður Ríkharðsdóttir, fyrrum þingmaður Sjálfstæðisflokksins, sendir eigin flokki og þingflokki nokkrar spurningar. Trúlega verður henni ekki svarað. Spurningarnar eru eflaust ekki öllum að skapi. Um hvað spyr Ragnheiður:
„Hvar stendur þingflokkur Sjálfstæðisflokksins þegar kemur að ólíkum rekstrarformum í heilbrigðisþjónustu?
Hver er staða sérfræðilækna í samskiptum við ríkið? Hvað finnst þingflokknum um þá stöðu og hvað ætlar hann að gera?
Hver er staða sjálfstætt starfandi rekstraraðilar hjúkrunarheimila? Hvað finnst þingflokknum um þá stöðu og hvað ætlar hann að gera?
Spyr ósáttur fyrrverandi þingmaður sem óskar ekki bara eftir svörum heldur aðgerðum,“ skrifar Ragnheiður og endar með þessari spurningu: „Það eru kosningar í haust ekki satt?“