Gunnar Smári skrifar:
Sóttvarnaryfirvöld hafa svarið af sér ákvörðun um opnun landsins, sú ákvörðun var tekin af ráðherrum ríkisstjórnarinnar. Og þetta var hvatinn, að reyna að bjarga hlutafjárútboði Icelandair svo finna mætti nýtt hlutafé til að renna sér undir gríðarlegar skuldir þessa félags. Ef við miðum við að fargjaldið kosti 60 þús. kr. að meðaltali, fram og til baka frá Íslandi, þá skilaði þetta um 1640 m.kr. í tekjur til Icelandair (mismunur á farþegafjölda í júní og júlí), auðvitað mun lægri upphæð en félagið þurfti til að vera rekið með hagnaði. Kostnaður samfélagsins er svo miklum mun meiri af hertum sóttvarnaraðgerðum í kjölfar þess að kórónafaraldurinn gaus upp að nýju.