Þeir eru ekki sviptir rekstrarleyfi,það væri svo „íþyngjandi“.
Rannsókn lögreglu á Procar málinu er umfangsmikil og óvíst hvenær henni lýkur. Enginn hefur verið handtekinn. Dómsmálaráðherra segir það mjög íþyngjandi að svipta bílaleiguna starfsleyfi fyrir að hafa breytt kílómetrastöðu á bílum.
Ekki sýna allir, viðhorfi Þórdísar Kolbrúnar R. Gylfadóttur ráðherra, skilning. Einn þeirra sem kaupir ekki sjónarmið ráðherrans er Illugi Jökulsson:
„Svindlararnir í Procar stálu peningum af þeim sem keyptu af þeim bíla með fölsuðum ökumælum. Já, það heitir að stela. En þeir eru ekki sviptir rekstrarleyfi af því það væri svo „íþyngjandi“ fyrir þá. Með leyfi að spyrja, mundi innbrotsþjófur geta beðist undan því að vera handtekinn á innbrotsstað af því það væri svo íþyngjandi fyrir hann? Eða hafa svindlararnir í Procar einhver þau sambönd sem ráða því að annað gildir um þá?“
