Lausnin er komin. Bílaleigur eiga að fá stóran bita. Einkavæðing lögreglubíla skal verða ofan á. Sagan endurtekur sig. Aftur og aftur. Þetta er úr Mogganum í dag.
Þar eru líka tvær aðrar merkar fréttir úr velferðarríkinu. Önnur er um að stjórnvöld hafa hunsað að byggja upp dreifikerfi fyrir rafmagn og segir ráðherrann að hér ríki neyðarástand þess vegna. Rafmagnsleysið er alvarlegt. Ekkert hefur verið gert.
Rafmagnsleysi er ekki bara íþyngjandi. Það er stórhættulegt.
Hin er um að nær öll hjúkrunarheimili landsins eru rekin með tapi. Afkoma þeirra er látin reka á reiðanum. Alltof naumt er skammtað með ömurlegum afleiðingum.
Þetta er skammtur dagsins af vondum fréttum. Svona er þetta alla daga.