Og peningaöflin ráða öllu í þessu landi.
Katrín Baldursdóttir skrifar:
Hún er ráðherra en hefur ekki hugmynd um hvað er raunverulega að gerast í landinu. Veit ekki að Ísland hefur verið og er athvarf fyrir glæpamenn til að stunda peningaþvætti og fjármögnun hryðjuverka . Þess vegna er landið komið á gráan lista yfir lönd sem ekki eru með nægar varnir gegn þessum glæpum. En í þessu máli sem öðrum býr Þórdís í fílabeinsturni og sér ekki það sem er að gerast fyrir utan hann. Hún sér bara það sem hún vill sjá og uppástóð í pontu á Alþingi í gær að það væri fráleitt að Ísland ætti heima á listanum. Svo féll dómurinn í dag og Ísland er nýtt inn á listann ásamt Mongólíu og Simbave. Eþíópía, Sri Lanka og Túnis eru nú með aðgerðir gegn peningaþvætti í lagi en ekki Ísland. Þetta þykir algjört hneyksli hjá Evrópusambandinu enda Ísland í EES.
En það var hvítþvottur. Ísland var sett á gráa listann í dag.
Það er löngu búið að vara Ísland við þessu og benda á að varnir hér gegn peningaþvætti og fjármögnun hryðjuverka sé verulega ábótavant og nánast ekki neitt. Það var gert meðal annars árið 2006 af sömu stofnun og nú hefur sett Ísland á gráa listann. Hvað var þá gert? Jú það var sett á fót peningaþvættisskrifstofa ríkislögreglustjóra. Aðeins einn starfsmaður var ráðinn, sem vissi ekkert hvort hann var að fara eða koma, vissi ekki hvað hann átti almennilega að gera og beið bara eftir því að knippt yrði í hann um að mögulega væri einhvers staðar verið að stunda peningaþvætti. Það er alveg ljóst að aumingjans starfsmaðurinn fékk ekki nægilegar upplýsingar um það hvað hann átti að gera og auk þess getur einn starfsmaður ekki sinnt svo umfangsmiklu verkefni að rannsaka peningaþvætti og hugsanlega fjármögun hryðjuverka. En þar liggur hundurinn grafinn. Peningaöflin hafa ekki viljað hafa eitthvert óþarfa eftirlit með fjármálagjörningum og glæpaverkum sínum á Ísland. Þeir hafa viljað hafa frítt spil til að athafna sig við að þvo peninga og stunda ýmsa aðra glæpi, skattsvik og fleira. Og peningaöflin ráða öllu í þessu landi. Stjórnvöld starfa í umboði þeirra.
Það er bara rétt nýlega sem stjórnvöld þorðu ekki annað en að hlaupa til að gera eitthvað svo Ísland lenti ekki á listanum. En það var hvítþvottur. Ísland var sett á gráa listann í dag.