„Ágreiningurinn um rekstur hjúkrunarheimila á Akureyri heldur áfram. Ríkið krefst þess af bænum að hann ábyrgist rekstur hjúkrunarheimilis í Lögmannshlíð sem stendur til að byggja, ellegar verði það ekki byggt. Bæjarstjórn stendur fast á kröfu sinni um að ríkið beri ábyrgð á rekstrinum, sem og öðrum hjúkrunarheimilum, sem bærinn hyggst hætta að koma að.“
Þetta er upphaf fréttar í Fréttablaðinu í dag. Deilt er um lögbundna ábyrgð ríkisins á rekstri hjúkrunarheimila. Nú er hótað. Þið ábyrgist reksturinn eða hafið verra af.
„Ásthildur Sturludóttir bæjarstjóri segir ríkið setja þessi skilyrði í alla nýja samninga. Í yfirlýsingu bæjarráðs er ríkið því sagt mismuna íbúum, því ef sveitarfélög fallist ekki á að taka á sig reksturinn falli þjónustan niður,“ segir í fréttinni.
Ásthildur Sturludóttir bæjarstjóri segir ríkið setja þessi skilyrði í alla nýja samninga. Í yfirlýsingu bæjarráðs er ríkið því sagt mismuna íbúum, því ef sveitarfélög fallist ekki á að taka á sig reksturinn falli þjónustan niður.
Þrátt fyrir allt segist Ásthildur bæjarstjóri vera bjartsýn:
„Ég er alveg sannfærð um að ráðherra vilji leysa þessi mál.“
