Ráðamaðurinn með steinhjartað

„Ég spyr mig: hvernig er það stein­hjarta ráðamanns sem ekki tek­ur til­lit til bág­staddra bræðra sinna? Hvernig get­ur nokk­ur verið svo grimm­ur að bjóða sig til starfa fyr­ir alla, á sama tíma og viðkom­andi veit að hann er hags­muna­gæsluaðili elítunnar.“

Hér talar Inga Sæland talar undir rós. Og þó, ekki koma margir til greina sem maðurinn með steinhjartað. Öll spjót beinast að Bjarna Benediktssyni.

„Það má leggja al­manna­fé í snobb og glæsi­veisl­ur sem stand­ast enga skoðun. Þegar hins veg­ar kem­ur að bræðrum okk­ar og systr­um er spari­bauk­ur­inn tóm­ur og ekk­ert fé til ráðstöf­un­ar fyr­ir þau. Það er ekki að furða þótt hell­ist yfir mann van­mátt­ur og dep­urð.“

„Ég velti því fyr­ir mér hvern ein­asta dag hvernig ég mögu­lega geti komið því rétt­læti á sem ég boða og berst fyr­ir. Hvernig ég geti höfðað til þing­manna annarra flokka sem all­ir boðuðu bót og betr­un í kosn­inga­bar­átt­unni fyr­ir tæpu ári. Já þeir vildu leiðrétta bág kjör, hjálpa börn­un­um okk­ar út úr fá­tækt, hlúa að öldruðum og ör­yrkj­um.“

Grátandi um­vaf­in póli­tísk­um klækj­ar­ef­um

„Ég grét með þeim í beinni út­send­ingu dag­inn fyr­ir kjör­dag, vit­andi að ég væri um­vaf­in póli­tísk­um klækj­ar­ef­um sem flest­ir meintu lítið sem ekk­ert af því sem þeir voru að segja. Ég bað um stuðning ykk­ar svo ég mætti kom­ast að öfl­ug­asta ræðupúlti lands­ins og þið sýnduð mér ómet­an­legt traust, stuðning og vel­vild. Þið tókuð ný­stofnaðan Flokk fólks­ins í fangið og komuð hon­um á þing.“

„Hvernig getur nokkur verið svo grimmur?“

„Það er í raun með ólík­ind­um að ein­hverj­ir skuli hafa verið sett­ir út í kuld­ann ef mið er tekið af öll­um fag­ur­gal­an­um um frá­bæra stöðu þjóðarbús­ins. Síðast í dag sendi mér fá­tæk­ur faðir neyðarkall og spurði hvort ég vissi um góðhjartaða mann­eskju sem gæti gefið fjöl­skyld­unni hans að borða. „Ég spyr mig: hvernig er það stein­hjarta ráðamanns sem ekki tek­ur til­lit til bág­staddra bræðra sinna? Hvernig get­ur nokk­ur verið svo grimm­ur að bjóða sig til starfa fyr­ir alla, á sama tíma og viðkom­andi veit að hann er hags­muna­gæsluaðili elítunnar.““

Mann­gerðri fá­tækt­ar­gildru stjórn­valda

Inga skrifar einnig um Flokk fólksins, flokkinn sinn.

„Flokk­ur fólks­ins vill hjálpa fólki út úr mann­gerðri fá­tækt­ar­gildru stjórn­valda. Af­nema skerðing­ar á launa­tekj­ur eldri borg­ara og koma lág­marks­fram­færslu upp í 300 þúsund krón­ur á mánuði, skatta- og skerðingalaust. Af­nema ok­ur­vexti og mann­fjand­sam­lega verðtrygg­ingu sem hef­ur lagt á heim­il­in um 115 millj­arða króna á sl. fimm árum. Hættið að sækja í vönd­inn, það er annað og svo miklu meira og betra í boði.“

Grein Ingu birtist í Mogganum í dag. Hér er greinin ekki orðrétt.