Þóroddur Bjarnason, prófessor í félagsfræði við Háskólann á Akureyri, hefur sett mig út í kuldann. Hann er hættur að vera „vinur“ minn á Facebook og eins hefur hann lokað mig frá hópi þar sem fjallað er um byggðaþróun. Hópi sem ég hafði tilheyrt drjúgan tíma.
Ástæða þess að prófessorinn pirraðist var færsla sem ég skrifaði hér á Miðjuna, midjan.is. Þar vitnaði ég í skrif Þórodds um Loga Einarsson, formann Samfylkingarinnar, en Logi og Þóroddur er á öndverðum meiði hvað varðar Reykjavíkurflugvöll.
Þóroddur var ekki bjartsýnn á pólitíska framtíð Loga, það er fyrir norðan.
„Áhugaverðast verður samt að sjá hvort þetta þessi innkoma Loga sem þóknanlegs formanns meðal samfylkingarfólks sunnanlands marki jafnframt endalok hans sem stjórnmálamanns norðanlands…,“ skrifaði Þóroddur á Facebook.
Logi svaraði Þóroddi og benti á að hann hafi áður talað á sömu nótum. „Hér er talað um innkomu mína sem formanns sem þóknanlega fyrir ákveðinn hóp. Þeir sem þekkja mig vita þó mæta vel að ég hef lengi talið að þetta erfiða mál yrði að leysa þannig að sjónarmiðum beggja deiluaðila sé gert hátt undir höfði.“
Lítið þykir mér leggjast fyrir prófessor Þórodd.
Hér er færslan um þetta mál, skrfin sem fóru í taugar Þórodds..
Sigurjón M. Egilsson.
