Núverandi fyrirkomulag er óþarflega íþyngjandi.
Þingmenn Pírata hafa lagt fram lagafrumvarp um frjálsar strandveiðar. Álfheiður Eymarsdóttir er í forystu í málinu.
Í greinargerðinni segir meðal annars: Þingmenn Pírata hafa lagt fram lagafrumvarp um frjálsar strandveiðar. Álfheiður Eymarsdóttir er í forystu í málinu.
Í greinargerðinni segir meðal annars:
Markmið frumvarps þessa er að handfæraveiðar við Íslandsstrendur verði gefnar frjálsar til að bæta aðstæður til strandveiða og taka tillit til efnahagslegra sjónarmiða sem og umhverfisþátta. Einnig er litið til fiskveiðistjórnunar og öryggismála sjómanna. Eins og í gildandi lögum eru þessar veiðar kallaðar strandveiðar.
Strandveiðar eru umhverfisvænar og fara vel með hafsbotninn. Þær veita einstaklingum um allt land atvinnutækifæri og styrkja byggðir landsins. Núverandi fyrirkomulag er þó óþarflega íþyngjandi og mismunar landsvæðum. Þetta hamlar vexti greinarinnar og kemur í veg fyrir að strandveiðar dafni sem skyldi. Það er miður því strandveiðarnar hafa sannað gildi sitt fyrir atvinnulíf í byggðum landsins sem sjálfbærar, vistvænar veiðar sem glætt hafa byggðir landsins lífi og stuðlað að jákvæðri samfélagsþróun.
