„Annars vegar vill Sjálfstæðisflokkurinn ekki alvöru eftirlit með störfum lögreglu og hins vegar þegar algjört lágmark fyrir slíku er lögfest notar flokkurinn slíka nefnd til þess að passa upp á að lögreglan fari nú vel með Flokkinn,“ skrifar Björn Leví Gunnarsson.
„Eftirlitsnefnd með störfum lögreglu passar upp á gæði starfsins, borgurum og lögreglumönnum til bóta. Fulltrúar Sjálfstæðisflokksins virðast aldrei kunna á gæðaeftirlit og misnota aðstöðu sína á pólitískan hátt aftur og aftur þegar það skiptir máli.
Það er nákvæmlega ekkert að þessu samtali lögregluþjónanna og það er margt að því hvernig gögnum var miðlað til eftirlitsnefndar. Eitt útilokar ekki annað hérna. Gæðaeftirlit er ekki eitthvað sem fólk kann sjálfkrafa. Það eru fræði þar á bak við, fræði sem þurfa að vera á hreinu hjá svona nefnd. Þess vegna hafa Píratar viljað alvöru gæðaeftirlit með störfum lögreglu.“