Páll: Samdráttur er framundan
- Páll Matthíasson, forstjóri Landspítalans, er enn á sömu nótum. Mikla peningar vantar til að Landspítalinn geti lögbundnu hlutverki.
Ekki kemur á óvart að forsvarsfólk Landspítalans, segi að í ríkisfjármálaáætlun til næstu fimm ára, vanti talsverða peninga til að unnt verði að reka sjúkrahúsið með þeim hætti sem þarf.
„Við höfum vakið athygli á því sem tæpast getur verið annað en mistök við vinnslu áætlunarinnar en þar eru settar fram samanburðartölur um fjárframlög Norðurlandaþjóða til heilbrigðisþjónustu sem ekki standast skoðun,“ skrifar Páll Matthíasson í vikulegum pistli sínum.
Hann segir aðalvandinn vera þann að töluvert meira fé þurfi til Landspítala sem og til heilbrigðisþjónustunnar í heild heldur en gert er ráð fyrir í áætluninni.
„Framundan er samdráttartímabil í rekstri Landspítala ef áætlunin verður samþykkt eins og hún liggur nú fyrir Alþingi enda þarna kominn rammi fjárlaga til næstu 5 ára. Jafnframt skortir í áætluninni upp á fullnægjandi fjármögnun til að ljúka Hringbrautarverkefninu því þótt fé sé ætlað til uppbyggingar meðferðar- og rannsóknarkjarna er hvorki gert ráð fyrir kostnaði við tækjavæðingu bygginganna né við breytingar á eldra húsnæði.“
-sme
