Þórhildur Sunna Ævarsdóttir skrifar:
Það sem Páll Magnússon kallaði formstagl og lagaþrætur í fyrra hefur Mannréttindadómstóll Evrópu úrskurðað svívirðilegt brot á lögum um skipan dómara sem brjóti gegn aðalinntaki og efni skyldunnar um löglega skipaða dómara. Embættisgjörðir Sigríðar Á. Andersen hafi þar með brotið á grundvallarreglum réttarríkisins sem hafi skaðað traustið sem dómstólar verði að njóta í lýðræðissamfélagi.
Páll hafði því kolrangt fyrir sér um að skipan dómara hafi ekkert með “efni” að gera og ég vona fyrir hönd okkar allra að hann reynist líka rangspár þegar hann spáði því að ráðherrar núverandi ríkisstjórnar ættu eftir að gera stærri mistök en Sigríður við skipan í Landsrétt á yfirstandandi kjörtímabili.
Þú gætir haft áhuga á þessum
