Heilbrigðismál Óttarr Proppé heilbrigðisráðherra hefur upp á sitt einsdæmi hafnað átta sérfræðilæknum um samninga við Sjúkratryggingar Íslands, það er hann kom í veg fyrir að læknarnir gætu opnað stofur og hafið rekstur.
Samkvæmt rammasamningi hefur þörf á nýliðun ráðist í til þess gerðri samráðsnefnd sem hittist reglulega í starfi sínu. „Nú er, sem sagt, búið að taka fram fyrir hendur nefndarinnar og að okkar áliti er þar með búið að brjóta gerða samninga. Læknar íhuga aðgerðir vegna þessa,“ sagði Arna Guðmundsdóttir, formaður Læknafélags Reykjavíkur, í samtali við Miðjuna.
Nýverið var átta sérfræðilæknum synjað um samningi við Sjúktratryggingar, samkvæmt skipun úr ráðuneyti Óttarrs. „Sem er afleitt fyrir nýliðun í röð lækna,“ sagði Arna. Hún segir þetta vont vegna nauðsynlegrar nýliðunar og bendir einnig á að með þeirri hækkun til Sjúkratrygginga Íslands vegna sérfræðiþjónustu sem nú sjáist á fjárlögum sé einfaldlega verið að brúa bil sem myndaðist í ríkisfjármálunum. Þessi hækkun á fjárlögum sé því til leiðréttingar á uppsöfnuðum vanda í ríkisnbókhaldinu en hafi ekki í för með sér sértækar hækkanir á greiðslum til sérfræðilækna.
-sme
