„Græðgin ríður ekki við einteyming! Ef þessir útgerðarmenn eru svo óforskammaðir að leggja upp í þann leiðangur að krefja ríkið um skaðabætur vegna útdeilingu makríls á sínum tíma og fái þeir dæmdar sér bætur þá liggur beinast við að ríkið nái þeirri upphæð til baka í hækkun veiðigjalda! Ótrúleg græðgi og eiginhagsmunahyggja!“
Þannig skrifar Lilja Rafney Magnúsdóttir, formaður atvinnuveganefndar Alþingis. Lilja Rafney gekk hart fram í baráttu fyrir lækkun veiðigjalda. Henni er að snúast hugur af þessum orðum að dæma.
„Ánægð með orð forsætisráðherra og fjármálaráðherra í þinginu í dag að þessi framganga sé ósvífin og andsamfélagsleg og að ef bætur verði dæmdar verði þær ekki sóttar í vasa þjóðarinnar heldur til þeirra sjálfra!“