„There is something very rotten in the state of Iceland.“
Þröstur Ólafsson.
„Hlustaði á stutt viðtal við Bjarna Benediktsson, fjármálaráðherra í hádegisútvarpi RÚV. Var spurður út í skýrslu Sigurðar Þórðarsonar sem settur var ríkisendurskkoðandi í Lindarhvolsmálinu. Fjármálaráðherra sagði fullum fetum og án þess að hiksta, að skýrsla Sigurðar væri vinnuplagg og því ekki til birtingar og vísaði þar til núverandi ríkisendurskoðanda,“ skrifar Þröstur Ólafsson hagfræðingur.
„Í þeirri viku sem nú er á enda voru að mig minnir tvö viðtöl við Sigurð út af fyrrnnefndri skýrslu. Hann var bæði reiður og gáttaður yfir meðferðinni á skýrslunni sem hann sagðist hafa unnið að í tvö ár. Þetta var ekkert vinnuplagg heldur ítarleg skýrsla um vafasaman gjörning svo ekki sé fastar að orði kveðið. Ósvífni fjármálaráðherra er ótrúleg nema hann hafi vitað að fréttamaðurinn yrði ekki svo dónalegur að fara að vitna í nýlegt viðtalið við Sigurð Þórðarson. Fáum vikum fyrr hafði fjármálaráðherrra smokrað sér undan spurningu fréttamanns um Íslandsbanka útboðið. Þeir eru ekki allir hnarreistir þessir ungu fréttamenn RÚV. Eru bæði tillitsamir og skilningsríkir í garð viðtalenda. Spyrja hvorki gagnrýninna spurninga né vilja vitna í gagnvísandi nýjustu fréttir. There is something very rotten in the state of Iceland.
