Ólafur F. Magnússon, fyrrverandi borgarstjóri, er eindreginn stuðningsmaður Sjálfstæðisflokksins í komandi kosningum. Hann er að sama skapi mikill andstæðingur Samfylkingarinnar og einkum Dags B. Eggertssonar.
Ólafur tjáir sig um stöðuna í kosningabaráttunni þar sem hann segir meðal annars:
„Allir frambjóðendu Sjálfstæðisflokksins eru vandað og gott fólk, sérstaklega konurnar, þar sem Hildur Björnsdóttir og Marta Guðjónsdóttir eru öflugastar. Þær eru jafn frambærilegar og Samfylkingarkonurnar, Kristín Soffía Jónsdóttir og Sabine Leskopf, eru óframbærilegar og orðljótar.
Höfuðandstæðingur minn er þó sjálfur borgarstjórinn og margfaldur mannorðsmorðingi minn til margra ára, Dagur B. Eggertsson. Hann er undirförulasti og óheiðarlegasti maður, sem ég hef hitt á lífsleiðinni, og það munaði hársbreidd, að hann kæmi mér undir græna torfu, fjórum árum eftir að ég var borgarstjóri.“
Með reikningsaðferðum kemst Ólafur að því að hársbreidd muni hvor flokkurinn verði stærri að loknum kosnimgunum á morgun, Sjálfstæðisflokkur eða Samfylking.
