Mín stærstu mistök og núna er ég landflótta Íslendingur.
Stefán Ragnar Þorvarðarson skrifar:
Þér er hér með sagt upp störfum í stjórnmálum! Þar sem augljóst er að þar ertu á fölskum forsendum og hefur dregið þjóðina á asnaeyrum allt kjörtímabilið! Kosningaloforð þín voru og eru einskis virði og hafa ekki verið efnd! Ég var einn af þeim sem hafði trú á þér og lét tilleiðast að fylgja þér og þínum loforðum. Mín stærstu mistök og núna er ég landflótta Íslendingur og hef ásamt meirihluta þjóðarinnar misst alla trú á þér og þínum málstað! Fluttur til Spánar þar sem ég má sitja undir ásökunum, um að níðast á spænskum þegnum, frá sjálfskipuðum dómurum uppi á Íslandi! Ég sé sem sagt að arðræna fólk hér sem sem býr ekki að því sama og ég, að vera frá „ríku landi“! Hafa það gott á kostnað annarra sem sagt! Mér leikur forvitni á að vita hvort þú, Katrín Jakopsdóttir, hafir einhvern tíma um þína daga verið svo illa stödd að eiga hvorki mat né hafa aðgang að húsnæði? Mér finnst það ósennilegt miðað við hvernig þú kemur fram við fólk, samlanda þína, sem geta ekki framfleytt sér og sínum í okkar “ríka landi”!!
Uppsögn þessi tekur strax gildi og ekki verður gerður starfslokasamningur við þig af augljósum ástæðum. Þú ert vinsamlega beðin um að taka með þér það sem safnast hefur umhverfis þig og láta það hverfa þegar þú ferð! Þín er ekki lengur þörf.
