Gunnar Smári skrifar:
Nú eru allir kapítalistarnir og ömmur þeirra komnir í lóðabrask og spákaupmennsku á húsnæðismarkaði. Það ríður á að loka þessari vitleysu, byggja upp húsnæði sem er einangrað frá þessum blóðsugum, vernda almenning fyrir þessari óværu eins og hverjum öðrum vírus. Almenningur á rétt á ódýru og öruggu húsnæði. Það verður ekki til í höndum braskara.
Ef stjórnvöld, ríki og sveitarfélög, standa undir skyldum sínum um að byggja upp og reka ódýrt og öruggt húsnæði fyrir meginþorra almennings er svo sem ekki hægt að kvarta mikið þótt braskararnir reyni að okra og svindla hver á öðrum. En það á að girða almenning af svo þetta mannýga lið komist ekki að heiðvirðu fólki. Nóg líður hann fyrir okrið í verslunum Haga. Og nóg líður starfsfólk Haga við að vinna hjá fyrirtæki þar sem forstjórinn (sá á myndinni) er á 27falt hærri launum en konan sem skúrar undan honum skítinn á skrifstofunni. Reynið að jafnlaunavotta það.
