Samfélag „Samkvæmt öruggum heimildum verður Ólafur Ragnar Grímsson forseti Íslands næsti aðalritari Sameinuðu þjóðanna. Þetta kom fram í máli Arnþrúðar Karlsdóttur Útvarpsstjóra Útvarps Sögu í síðdegisútvarpinu í dag, en gestur Arnþrúðar í þættinum var Ástþór Magnússon forsetaframbjóðandi,“ svo segir á heimasíðu Útvarps Sögu, utvarpsaga.is.
Þar segir einnig: „Í þættinum voru ýmis mál rædd og greindi Arnþrúður þar frá því að samkvæmt öruggum heimildum væri Ólafur að taka við hlutverki aðalritara Sameinuðu þjóðanna eftir að hann hefur látið af embætti forseta Íslands. Ástþór greindi frá því í þættinum að hans hugsjón væri sú að virkja forsetaembættið á þann hátt að forseti Íslands beiti sér fyrir því að framtíðarstaðsetning höfuðstöðva Sameinuðu þjóðanna verði á Íslandi. Þegar Arnþrúður innti Ástþór eftir því hvar hann sæi fyrir sér hvar höfuðstöðvarnar gætu verið staðsettar sagði Ástþór “ við eigum til dæmis mikið landsvæði á milli Reykjaness og Hafnarfjarðar“.“
