Eitt framboð barst til formanns VR og ellefu til stjórnar fyrir kjörtímabilið 2015 – 2017 en framboðsfrestur rann út á föstudag. Þar sem aðeins eitt framboð barst til formanns, frá núverandi formanni Ólafíu B. Rafnsdóttur, telst hún löglega kjörin. Ekkert mótframboð barst gegn lista stjórnar og trúnaðarráðs VR í trúnaðarráð félagsins og telst hann því sömuleiðis löglega kjörinn.
Alls bárust ellefu framboð til stjórnar og gafst þremur frambjóðendum frestur til kl. 14.00 í dag, mánudag, til að laga annmarka á sínum framboðum. Listi yfir frambjóðendur til stjórnar verður birtur síðar í dag.
Í hyggju er að kosningar hefjist þann 5. mars næstkomandi en kjörstjórn mun auglýsa tilhögun þeirra nánar þegar nær dregur.
Þú gætir haft áhuga á þessum
