Gunnar Smári skrifar:
Ef jólin væru vara sem leiddi til sjúkdómseinkenna hjá 10% landsmanna; þar af þriðjungi láglaunafólks, öryrkja og fátæks eftirlaunafólks og rúmur fimmtungur ungs fólks veiktist; væri þessi vara líklega bönnuð. Í raun stöndum við frammi fyrir tveimur kostum; að auka jöfnuð þannig að fólk eigi almennt fyrir því að halda jól eða leggja jólin af; hin betur settu gætu þá haldið sín jól í leyni án þess að leggja samfélagið undir sig. Það er ákaflega ókristilegt að halda mikinn fögnuð þar sem hinum lakar settu, hinum fötluðu, öldruðu og ungu er ekki boðið; það er ekki hægt að finna þann sið sem þykir slíkt boðlegt nema innan kirkju heilagrar Ayn Rand (sem því miður er hin raunverulega þjóðkirkja okkar Íslendinga).
Þú gætir haft áhuga á þessum
