Guðni Ölversson skrifar:
„Það er þó ljóstýra við enda ganganna. Steingrímur Jóhann hættir á Alþingi og hættir að nýta sér dreifbýlisstyrk frá almenningi.“
Ég skal alveg viðurkenna að á tímabili fyrr á öldinni hafði ég smá trú á VG. Þó aldrei Steingrími núverandi forseta Alþingis. Flokkurinn hafði frambærilegt fólk í flestum kjördæmum, hélt ég, en annað er komið á daginn. Flokkurinn fór í ríkisstjórn með flokki sem forystumenn hans höfðu sagt að ekki komi til greina að fara í samstarf með. Látum það svo sem vera. Flestir flokkar hafa örugglega haft sömu meiningar. Núverandi ríkisstjórn hefði hugsanlega orðið spennandi kostur ef um samstarf hefði verið að ræða. Þá hefði t.d. sala Íslandsbanka ekki verið á dagskrá.
En það sem tók steininn úr hjá mér í í kvöld var ræða Bjarkeyjar Olsen Gunnarsdóttur. Ógeðfelld dýrkun á störfum heilbrigðisráðherra sem fer í kosningar í haust með ver sett heilbrigðiskerfi en við höfðum árið 2014. Svo kom skopparakringla Lilja Rafney Magnúsdóttir sem skiptir um skoðun oftar en hún skiptir um kjól. Fyrir hvað stendur VG eiginlega. Það verður spennandi að heyra í kosningabaráttunni hvaða flokki Katrín & Co vilja ekki vinna með á næsta kjörtímabili og hvort flokkurinn stendur við það sem hann lofar. Það er þó ljóstýra við enda ganganna. Steingrímur Jóhann hættir á Alþingi og hættir að nýta sér dreifbýlisstyrk frá almenningi.