Nýjasta nýtt er herská sókn úr Borgartúni 35 að forystufólki launafólks. Forystufólkið sér að betra en annað að fólk hafi getu til þátttöku í efnahagslífinu. Hver króna sem notuð er vex samstundis. Sá sem fær krónuna notar hann aftur og svo koll af kolli. Mikilsvert er að eftirspurn verði haldið uppi.
Það vill hin harða forysta SA ekki. Barasta alls ekki. Þar á bæ er það helst kosið að halda sem flestum fyrir neðan hungurmörk.
Sem fyrr teikar Davíð Oddsson og Mogginn hin harðhentu úr Borgartúni. Davíð skrifar í Moggann sinn:
„Fyrir allan almenning, ekki síst launamenn, er verulegt áhyggjuefni að forystumenn í verkalýðshreyfingunni hér á landi kjósi þess í stað fleiri gjaldþrot og aukið atvinnuleysi.“ Þetta eru æpandi öfugmæli öfgamanns. Þessu er þveröfugt farið. Það er mikilsvert að halda atvinnulífinu gangandi með þeim að allur almenningur hafi efni á að vera til, til að versla, til að framkvæma. Almenni launamaðurinn er forsenda alls.
-sme
