Sigurjón M. Egilsson:
Katrín er mikil kona. Brosmild, skemmtileg og með heillandi framkomu. Það bara dugði ekki til. Árið 2017 beygði hún af leið og myndaði hreint ómögulega ríkisstjórn með ómögulegum mönnum.
Leiðari Katrín Jakobsdóttir breytti rangt þegar hún tók stóra sstökkuð, úr forsætisráðuneytinu og í framboð til forseta Íslands. Hún á ekki góða ráðgjafa.
Var kosið taktískt gegn Katrínu? Eflaust var eitthvað um það. En ekkert okkar veit hvort það breytti niðurstöðunni. Svo mikill var sigur Höllu Tómasdóttur. Í leiðara Moggans segir:
„Sá samblástur, sem víða mátti greina gegn Katrínu Jakobsdóttur (en fæstir aðrir frambjóðendur tóku þátt í), var á köflum annarlegur. Mannkostir frambjóðandans og erindi í forsetaembætti látið liggja milli hluta, en pólitískar skoðanir hans og ferill meiru. Í embætti sem hefur enga pólitíska vídd.“
Það er þungt að róa gegn eigin samvisku og sannfæringu.
Hér ber að hafa í huga að Mogginn hefur trúlega ætlað Katrínu sigurinn. Hið minnsta stóð valdastéttin, núverandi og fyrrverandi að baki Katrinar. Til góðs eða ills.
Katrín er mikil kona. Brosmild, skemmtileg og með heillandi framkomu. Það bara dugði ekki til. Árið 2017 beygði hún af leið og myndaði hreint ómögulega ríkisstjórn með ómögulegum mönnum.
Katrín Jakobsdóttir naut fádæma trausts og vinsælda. Hún fór illa með inneign hjá þjóðinni. Færði til að mynda Bjarna Benediktsson stóran hluta þess.
Hvað um það Katrín verður ekki forseti Íslands. Þegar Davíð skrifar um samblástur er það fyrst og síðast tuð gamals manns.
Ég ákvað snemma hvaða frambjóðanda ég ætlaði að kjósa. Og reyndi í huganum hvort ég gæti kosið Höllu verðandi forseta til að leggja lítinn stein í götu Katrínar. Fann strax að það væri mér lífsins ómögulegt. Ég kaus þann frambjóðanda sem ég ætlað að gera frá upphafi. Vitandi að hann yrði ekki forseti Íslands.
Það er þungt að róa gegn eigin samvisku og sannfæringu.
