Meðferð löggjafans og vilji hans á öryrkjum hefur sært marga. Margt fólk hefur haft uppi stór orð. Einn af mínum uppáhalds vinum á Facebokk er Guðbrandur Þorkell Guðbrandsson. Hann segir einatt mikið án þess að hafa mikið fyrir því. Ég kýs að taka undir með honum þegar hann segir:
„Þetta sem hún Þuríður vinkona mín var að segja frá í fréttum RÚV fyrr í kvöld er eiginlega með hreinum ólíkindum og maður fer hreinlega að efast um að fólk sem framkvæmir hlutina svona sé yfirleitt með réttu ráði. Að telja dráttarvexti sem þessi hluti þjóðarinnar er að fá vegna dráttar á greiðslum frá opinberum aðila bæði sem aukatekjur, sem eru skattlagðar sérstaklega sem fjármagnstekjur og láta þær síðan skerða bætur sem fólkið er að fá í dag er eiginlega þannig að það ofbýður heilbrigðri skynsemi. Ekki síst vegna þess að þessi hópur er með tekjur sem eru langt undir öllum framfærsluviðmiðum.“
