Framsókn á í harðri baráttu þegar til þess að gera er skammt til kosninga. Fátt, jafnvel ekkert, hefur heyrst frá Framsókn vegna flottræfilsháttar Bjarna Benediktssonar og samþykki Katrínar við því. Hvað gerir Framsókn. Eru þar bein eða brjósk?
Fram til þessa hefur fylgi Framsóknar oftast mælst í sögulegu lágmarki. Láti Framsókn til sín taka vegna flottræfilsháttar fjármálaráðherra er von fyrir Framsókn. Ef Framsókn samþykkir framgöngu Bjarna, rétt eins og Vinstri græn og Katrín forsætisráðherra hafa gert, er víst að mótbyr Framsóknar eykst til muna.
Framsókn má illa við því. Helsti keppinauturinn, Miðflokkurinn, mun eflaust ekkert gera varðandi flottræfilsháttar Bjarna. Enda væri það eins og að kasta steini úr glerhúsi. Klausturspartí Miðflokksins gleymist ekki svo glöggt. Beðið er hvora leiðina Framsókn fer.
-sme
