Nýbygging við Grensásdeild

Eðlilega gumar ráðherrann nokkuð af eigin verkum og Bjarna.

„Til að spyrna við ráðumst við strax í fram­kvæmda­átak á þessu ári þar sem verk­efn­um er flýtt fyr­ir 20 millj­arða, bæði hjá ríki og op­in­ber­um fé­lög­um. Verk­efni átaks­ins eru fjöl­breytt; nýj­ar bygg­ing­ar eins og viðbygg­ing við Grens­ás­deild,“ segir í Moggagrein Katrínar Jakobsdóttur forsætisráðherra.

Loks er bent á eitthvert verkefni sem verður ráðist í. Það er þá ekki blindþoka í stjórnarráðinu.

Eðlilega gumar ráðherrann nokkuð af eigin verkum og Bjarna. Eðlilega eigna þau sér efnahagsstöðu Íslands. Það myndu allir stjórnmálamenn gera. Þrátt fyrir að ríkisstjórnin hafi dregið lappirnar í uppbyggingu ferðaþjónustunnar færði hún okkur mikla fjármuni. Þrátt fyrir ríkisstjórnina, en ekki vegna hennar.

„Við mun­um gera það sem þarf til að koma ís­lensku sam­fé­lagi í gegn­um þenn­an skafl enda hef­ur ríkið tals­vert svig­rúm til að auka skulda­stöðu sína eins og þörf kref­ur. Seðlabank­inn hef­ur lækkað vexti og af­numið sveiflu­jöfn­un­ar­auk­ann, en hvort tveggja er hægt vegna öfl­ugr­ar hag­stjórn­ar und­an­far­in ár og skipt­ir veru­legu máli fyr­ir at­vinnu­lífið í þess­um þreng­ing­um,“ skrifaði Katrín forsætisráðherra.

Þetta með efnahagsstjórnina er og verður deiluefni. Nóg af því í bili.