Norræna ráðstefnan Arts & Audiences verður haldin í Hörpu 20. og 21. október nk. Yfirskriftin er Virkni og þátttaka áhorfenda og listræn samvinna og er sjónum beint sérstaklega að stafrænum miðlunar- og sköpunarleiðum.
Á heimasíðu Menningar og menntunarráðuneytisins segir í upplýsingum um ráðstefnuna að stafræna byltingin hafi nú þegar haft þau áhrif að áhorfendur séu æ oftar í hlutverki meðhöfunda að listaverkum. Í ár verði sjónum Arts & Audiences meðal annars beint að því hvernig norrænar lista- og menningarstofnanir hafa tekist á við þessa áskorun. Söfn, leikhús, sinfóníuhljómsveitir og hátíðir hafa verið beðnar að deila reynslu sinni með okkur og veita þannig skýrari hugmynd um það hvernig hægt er mæta þessari þróun, hvaða áskoranir, möguleikar og takmarkanir liggja í hinum stafræna heimi og hvaða áhrif þetta hefur á dagskrárgerð, miðlun og samskipti okkar við áhorfendur og unnendur lista og menningar. Margverðlaunuð stafrænni tækni Rijksmuseum í Amsterdam verður kynnt og sem og hvernig listahátíðir í Edinborg vinna sameiginlega með hugsuðum, sérfræðingum í markaðsmálum og stafrænni tækni til þess að efla borgina enn frekar sem hátíðaborg og ná til mismunandi áhorfendahópa. Margt annað tengt efninu verður til umfjöllunar.
Ráðstefnan er hluti af formennskuáætlun Íslands í Norrænu ráðherranefndinni.
