„Því hefur verið haldið fram að notkun hefðbundins reiðufjár sé dýr,“ segir Seðlabankinn.
„Vísbendingar eru hins vegar um að kostnaður við núverandi rafræna greiðslumiðla sé hár hér á landi og jafnvel hærri en við notkun hefðbundins reiðufjár.“ Þvæi eru sagðir margir annmarkar á að minnka framboð reiðufjár, hvað þá banna. Það eðlilega skerðir valfrelsi, dregur úr samkeppni og getur jafnvel að öðru óbreyttu aukið kostnað neytenda og samfélagsins í heild.
Seðlabankinn segir mikilvægt að birta raunkostnað við notkun ólíkra greiðslumiðla. „Neytendur eiga að hafa val og ákvarðanir um notkun einstakra greiðslumiðla að byggja á þörfum þeirra annars vegar og kostnaði við notkun hins vegar.“
Seðlabankinn leggur til að neytendur standi undir kostnaði við notkun þess greiðslumiðils sem þeir velja hverju sinni. „Þeir sem velja ódýrasta kostinn eiga ekki að þurfa að niðurgreiða þjónustu og hlunnindi sem bundin eru við dýrari valkosti.“
