Fyrir suma eru sjö þúsund krónur mikill peningur. Sumt fólk er skilið eftir í fátækt. Fyrir nokkrum árum gerði ég af bríaríi að ganga í fjórflokkinn, það er Sjálfstæðisflokk, Framsóknarflokk, Vinstri græn og Samfylkinguna.
Nú eru í heimabankanum meldingar um tvær greiðslur til Vg. Samtals rúmar sjö þúsund krónur. Vinstri græn, sem og aðrir flokkar sem hafa þingmenn, eiga greiða og óhindraða leið í ríkiskassann. Flokkana vantar enga peninga.
Því hef ég ákveðið að segja mig úr Vinstri grænum í dag. Peningunum hef ég ráðstafað til aðstoðar fátæku fólki. Fólki sem munar mikið um allt.
Vinstri græn eru sek. Formaðurinn flokksins boðaði fyrir kosningar að þau sem minnst mega sín ættu ekki að þurfa að bíða eftir réttlætinu. Ríkisstjórn Katrínar er þriggja ára. Og enn bíður fólkið.
-sme
