Lilja Mósesdóttir skrifar: „Við eigum að mótmæla veitingu neyðarláns upp á 1,5 milljarð til Íslandspósts ef þingmenn samþykkja ekki að fram fari óháð rannsókn á tapreksrinum! Rannsóknin feli í sér úttekt á rekstri Íslandspósts og ábyrgð stjórna fyrirtækisins og viðkomandi ráðherra í taumlausri skuldasöfnun frá ohf-væðingu þess! Það er fjármála- og efnahagsráðherra sem skipar stjórn ríkisfyrirtækisins Íslandspósts og umhverfis- og samgöngunefnd sem fjallar um málefni þess.
Á þinginu 2010-2011 hafði ég nokkrum sinnum frumkvæði að því að þingflokkur VG fjallaði um málefni Íslandspósts. Ég óttaðist að verið væri að keyra fyrirtækið markvisst í þrot. Á þeim tíma var Steingrím J. Sigfússon, fjármála- og efnahagsráðherra og Lilja Rafney Magnúsdóttir, stjórnarmaður í Íslandspósti og nefndarmaður í samgöngunefnd. Ég hvatti þau til að grípa í taumana áður en í óefni væri komið. Steingrímur og Lilja virtust ekki átta sig á alvarleika málsins og ekkert gerðist. Nú er Íslandspóstur kominn í þrot og reikningurinn sendur á skattgreiðendur.
Hægt var að koma í veg fyrir að þessi hái reikningurinn félli á skattgreiðendur og þeir sem bera ábyrgð á því eiga að sæta ábyrgð!“
Skrifin eru fengin af Facebooksíðu Lilju.
