Núverandi Fjórflokkur, sem hefur fjölgað sér í átta, er því miður ekki hótinu skárri.
Þór Saari skrifar:
Þetta mál er skínandi dæmi um það siðlausa spillingarforað sem íslensk stjórnmál og stjórnmálamenning eru og hafa verið lengi. Hér hikuðu 63 alþingismenn og ráðherrar undir forystu Davíðs Oddssonar og Halldórs Ásgrímssonar ekki við að moka skattfé almennings í sína eigin persónulegu vasa.
Svona stjórnarfar er náttúrulega eins ömurlegt og hægt er að hugsa sér og þetta er enn þá í gangi og Davíð labbar hlæjandi í bankann í hverjum mánuði.
Núverandi Fjórflokkur, sem hefur fjölgað sér í átta, er því miður ekki hótinu skárri og samþykktu í fyrra lög um fjármál stjórnmálaflokka þar sem þeir úthluta sjálfum sér nærri 3 milljörðum á hverju kjörtímabili svo þeir eigi auðveldara með að halda sjálfum sér inn á þingi. Tær spilling, hafi hún einhvern tíma sést.
