Mogginn, hrun eða lækkunarhrina?

Þingmenn XD hafa gert hvað þeir geta til að almenningur taki þátt í gamblinu í Kauphöllinni. Með litlum árangri. Kannski sem betur fer.

„Markaðsvirði hluta­bréfa í Kaup­höll­inni lækkaði um rúma 260 millj­arða króna frá miðjum sept­em­ber til upp­hafs­dags viðskipta í þess­ari viku,“ segir á mbl.is í dag. Það er ekki lítið. Það er hellingur. Þrír nýir Landspítalar eða svo. Lesum áfram:

„Viðmæl­end­ur ViðskiptaMogg­ans af markaði telja nokkra óvissu ríkja á hluta­bréfa­markaði og gera ráð fyr­ir því að sú óvissa muni ríkja næstu vik­urn­ar. Svo virðist sem líf­eyr­is­sjóðir hafi haldið að sér hönd­um og komi ekki sterk­ir inn á kaup­enda­hliðina sem kunni að leiða það af sér að hluta­bréf lækki enn frek­ar. Rétt er þó að taka fram að eng­inn viðmæl­end­anna býst við verðhruni held­ur eigi lækk­un­ar­hrin­an sér eðli­leg­ar skýr­ing­ar og von sé til þess að markaðir taki við sér á ný síðar í haust þegar óvissa kunni að minnka.“ Þetta er flott. Ekki gert ráð fyrir hruni en lækkunarhrina. Þetta fólk.

-sme