Urrið í Davíð Oddssyni getur ekki virkað nema hvatning fyrir Sólveigu Önnu og félaga hennar í Eflingu. Í leiðara dagsins stendur:
Þeir samningar sem þegar hafa verið gerðir fela í sér að allt svigrúm er nýtt og rúmlega það hjá mörgum fyrirtækjum sem munu illa eða ekki þola samningana. Það bitnar ekki aðeins á fyrirtækjunum heldur vitaskuld einnig á starfsmönnum þeirra, sem er mikið og raunverulegt áhyggjuefni. Þess vegna verður að fara varlega í þeim kröfugerðum sem nú eru settar fram.
Í þessu sambandi verður líka að hafa í huga varnaðarorð Yngva Harðarsonar hjá Analytica sem telur nýgerða kjarasamninga geta kallað á hærri vexti Seðlabankans til að ná niður verðbólgunni. Og nýjustu verðbólgutölur eru ekki uppörvandi.
Ábyrgir forystumenn launþegasamtaka hljóta að reyna að nýta tímann á milli jóla og nýárs til að ljúka þeim samningum sem út af standa og freista þess þannig að tryggja kjarabætur, en ekki síst að forðast kjararýrnun.
Hálmstrá Mogggans og þeirra í Borgartúni 35 er Yngvi Harðarson hjá Analyticu. Davíð og Mogginn hafa skotið fastari skotum en hann gerir í dag. Líklegast er að skotinn verði fastari á næstu dögum.
Einn er þó þeirra vandi. Sá er sá að Mogginn hefur ekki mikla vigt.