MMR mælir fylgið á landsvísu
Gera ekki könnun um stöðu flokkanna í borginni eða öðrum sveitarfélögum. VG tapar mestu fylgi.
Í nýrri skoðanakönnun MMR sem er um fylgi flokkanna á landsvísu sýnir ekki miklar breytingar.
MMR segir: „Sjálfstæðisflokkurinn mældist með með stuðning 23,7% landsmanna og þar með stærsti stjórnmálaflokkurinn á Alþingi samkvæmt nýrri könnun MMR sem framkvæmd var dagana 16.-22. maí. Fylgi Sjálfstæðisflokksins dróst þó saman um tæpt prósentustig frá síðustu mælingu sem lauk 2. maí. Samfylkingin mældist með 14,6% fylgi sem var á pari við síðustu mælingu. Píratar mældust nú með 14,1% fylgi og bæta við sig rúmu prósentustigi milli mælinga.
Stuðningur við ríkisstjórnina dalaði milli mælinga en 49,8% sögðust styðja ríkisstjórnina nú samanborið við 52,8% í síðustu mælingu.
Fylgi Vinstri grænna mældist nú 12,0% og mældist 13,7% í síðustu könnun.
Fylgi Framsóknarflokks mældist nú 10,1% og mældist 8,2% í síðustu könnun.
Fylgi Miðflokksins mældist nú 9,8% og mældist 10,3% í síðustu könnun.
Fylgi Viðreisnar mældist nú 7,1% og mældist 7,6% í síðustu könnun.
Fylgi Flokks fólksins mældist nú 5,6% og mældist 5,8% í síðustu könnun.
Fylgi annarra flokka mældist 3,0% samanlagt.“
