…skrapp saman á 9 dögum um 204 milljarða þ.e. úr 230 milljörðum niður í 26 milljarða…
Guðmundur Franklín Jónsson skrifar:
Þetta hlýtur að vera enn eitt heimsmetið sem við Íslendingar setjum. Kallað: „Hin hrikalega minnkun íslenskrar neyðaraðstoðar á hættutímum“. Þegar búið var að rífa allar umbúðirnar utan af neyðarpakka ríkisstjórnar Íslands á einhverjum mestu hættutímum sem þjóðin hefur staðið frammi fyrir, fæddist pínulítil mús. Risapakki stjórnvalda sem var kynntur fyrir rúmri viku í Hörpu, skrapp saman á 9 dögum um 204 milljarða þ.e. úr 230 milljörðum niður í 26 milljarða og er orðinn að minnstu neyðaraðstoð sem sögur fara af, miðað við fólksfjölda í vestrænum heimi. Blekkingar íslenskra stjórnvalda vekja mikla furðu og lítið annað hægt að lesa út úr þessu en að stjórnvöld séu búin að gefast upp. Nú er stutt í að Katrín skili lyklunum. Landið er stjórnlaust og forystulaust.