Fimm af sjö milljarðaútgerðum hafa pakkað í vörn. Hafa látið af frekjuaðgerðunum þar sem þess var freistað að hafa af almenningi meira en tíu milljarða.
Formælendur útgerðanna skreyta afstöðu sína með einu og öðru. Trúlegast er að þau orð Bjarna Benediktssonar að fiskveiðistjórnunin sé ekkert náttúrulögmál, heldur aðeins mannanna verk, hafi gert útslagið. Útgerðarmennirnir tóku einfaldlega meiri hagsmuni fram yfir minni.
Eskja, sem er eitt fyrirtækjanna, hefur verið til umfjöllunnar, meðal annars hér á Miðjunni, fyrir að hafa yfir að ráða miklum þorskkvóta án þess að eiga skip til að veiða botnfisk og ekki heldur aðstöðu til að vinna botnsfisk. Eksja leigir kvótann frá sér og fær á sjálfvirku færibandi allt að einn milljarð á ári hverju. Á hverju ári. Gott er ef Bjarni heldur áfram með þann þankagang, að kvótakerfið sé ekki náttúrulögmál, og vindi sér í að sníða af því mestu agnúana.
-sme
