Miðflokkur leitar í búr Sjálfstæðisflokks

Miðflokkurinn auglýsir fund með yfirskriftinni: Opinn fundur um fullveldið. Hvorki meira né minna. Fundurinn verður í höfuðstöðvum flokksins, í Hamraborg í Kópavogi og verður á fimmtudaginn kemur.

Það sem vekur mesta athygli við fundinn er að framsögumaður verður Arnar Þór Jónsson varaþingmaður Sjálfstæðisflokksins í Kraganum. Varamaður Bjarna Benediktssonar formanns síns flokks. Arnar Þór Jónsson er starfandi lögmaður. Miðflokkurinn kynnir Arnar Þór sem lögmann, en ekki sem varaþingmann Sjálfstæðisflokksins.

Miðflokksins er hvergi getið í auglýsingunni. Merki flokks er haft agnarsmátt lengst til hægri og neðst í auglýsingunni.