Meirihluti borgarstjórnar kýs að æsa upp andstöðuna við lengri göngugötur og takmarkaðri umferð bíla í miðborginni. Sigurborg Ósk Haraldsdóttir Pírati stýrir skipulags- og samgönguráði borgarinnar og þar bókaði hún og hennar fólk:
„Það stefnir í bjart sumar á Laugaveginum fyrir gesti og gangandi. Nú í ár mun göngusvæðið ná alla leið upp að Frakkastíg. Við lestur umsagna hagaðila kemur fram að á hinum nýja kafla milli Klapparstígs og Frakkastíg eru rekstraraðilar sem við telja göngugötur ekki nýtast sér en jafn margir aðilar telja að göngugötur styrki sinn rekstur og eru með hugmyndir um hvernig þeir munu nýta sér þær. Við sendum öllum þeim frábæru aðilum sem reka verslanir, veitingastaði og aðra þjónustu við Laugaveg hlýjar kveðjur og vonumst jafnframt til að sjá troðfullan miðbæ í sumar, með tilheyrandi mannlífi og viðskiptum.“
Eyþór Arnalds gerði athugasemd við bókin meirihlutans: „Rekstrarumhverfi í miðborginni hefur versnað mikið og þarf borgin að kappkosta að létta undir með rekstraraðilum og vinna í góðri samvinnu. Þessi vinnubrögð hafa valdið neikvæðri umræðu auk þess sem lokanir gatna hafa minnkað áhuga almennings á að sækja miðborgina heim.“
Eins bókuðu þær Kolbrún Baldursdóttir og Vigdís Hauksdóttir athugasemdir sínar við málið.